Siëia Rier Holz y produc de lëgn
Prezijiun y cualité dala regiun
Nos de Rier Holz laurun lignan massif d’alta cualité por le bojëgn da zumpradú y i produjun confezionamënc de lëgn sciöche paletes y cassëtes, che vëgn tratades termicamënter y che pó gní zertificades por l’esport tl’Uniun Europeica.
Surapró pitunse produc secundars dla siëia sciöche scorzes da decoraziun, ziples y paia. Nostes ciamenes da secé a vacuum garantësc lignan secé ala perfeziun y cun nosta mascin da plané da cater perts, garantiunse produc de lëgn massif prezisc y lizi por aplicaziuns desvalies.
Lauraziun dl lëgn
Siëia
Nosta siëia laora sö lignan toronn de gran cualité te na manira prezisa y efiziënta. Tres la tecnologia plü moderna y tröc agn d’esperiënza, taiunse lëgn massif y brëies suradöt por laurs da zumpradú, mo ince por tröc d’atri seturs d’aplicaziun.
Produc desvalis
Confezionamënc de lëgn
I produjun confezionamënc de lëgn resistënc y individuai sciöche paletes y cassëtes y sce al foss la nezescité, podunse les traté termicamënter y les zertifiché por le trasport defora dl’Uniun Europeica.
Dal urt al scialdamënt
Produc secundars dla siëia
I metun ince a desposiziun produc secundars dla siëia sciöche scorzes da decoraziun por l’urt, ziples y paia por le scialdamënt.
Zënza parassic
Secé dl lëgn & tratamënc termics
Cun nostes döes ciamenes da secé a vacuum sunse bugn da garantí lignan secé ala perfeziun. Nosc tratamënt termich dl lëgn da confezionamënt sodesfej i standarg internazionai sciöche ISPM 15 por n’esportaziun sigüda zënza risć da parassic.
Prezijiun
Plané le lëgn massif
Cun nosta mascin da plané da cater perts, sunse bugn da porté le lëgn por nüsc cliënc tla forma otimala. Surasperses lizies y mosöres prezises fej deventé nüsc produc de lëgn massif ideai por les aplicaziuns plü desvalies.
Le pröm vare
Scorzé
Tla siëia mët la lauraziun dl lëgn toronn man cun le scorzé. Al vëgn porchël tut demez cun cura la scorza por arjigné ca la suraspersa dl lëgn te na manira otimala por d’atri tratamënc. Chësc vare ne garantësc nia ma na lauraziun sciöche al alda, mo scona ince les lames dla siëia y garantësc resultac de ta prezisc.
La scorza che é gnüda tuta demez ne vëgn nia sprecada, ara vëgn laurada sö inant te scorzes da decoraziun y ciafa insciö indô so post tla zircolaziun naturala.