Storia
Dal 1844
La siëia Rier a Mühlen tla Val de Türesc é n’aziënda tradizionala, che vëgn portada inant bele dala cuarta generaziun.
Helmuth Rier sciöche möt plü vedl, á surantut l’aziënda familiara da so pere tl 1985. Sëgn la manajëiel adöm cun süa fomena Maria y süa möta plü vedla Astrid.
L’aziënda ti dá da laur a 15 colaboradus y dilan a sües capazités a livel de personal y de mascins, póra lauré sö vigni ann incër 10.000 m3 de lignan.
L’inom Rier stá por flessibilité, cualité y tradiziun. Nos sun osc partner por ci che reverda lignan toronn, lignan sié, lignan plané y la produziun de paletes. Dala cumpra dl lignan toronn, ala lauraziun fina ai produc secundars dla siëia, nos dla siëia Rier se cruziun de n’utilisaziun completa dla materia pröma lëgn, tan preziosa y sostignibla.
Ciara nosc video:
ci che se stá a cör
Rier Holz – nosta vijiun
Nosta vijiun é chëra da ester na siëia sostignibla, che contribuësc al ambiënt te na manira positiva tres na lauraziun responsabla dl lëgn y prozesc efiziënc dal punt d’odüda dles ressurses.
Nos orun sconé les ressurses naturales y surantó responsabilité soziala y i se dun da fá por se mioré tresfora y por podëi insciö smendrí al minim nosta merscia de CO2.
Direziun aziendala (d.m.c.): Astrid, Helmuth y Maria
Tecnologia moderna incunta engajamënt local
Lëgn cun misciun
Nosta misciun é chëra da ti dé forma ala materia pröma lëgn, sostignibla y zertificada, aladô dles ghiranzes dl cliënt. Porchël mirunse a tecniches de lauraziun avanzades. I reconesciun l’importanza de n refornimënt local dles materies prömes. Tres la cerna de lëgn dl raiun ne sostignunse nia ma l’economia locala, mo i smendriun ince i cosć de trasport y i impac ambientai liá a chisc. Tl medemo tëmp ti dunse n’atenziun particolara ala flessibilité te nosta produziun por sodesfá insciö les domandes y i bojëgns desvalis de nüsc cliënc. I se dun tresfora da fá por podëi respogne te na manira asvelta y efiziënta ai dejiders individuai de nüsc cliënc. Nosc obietif é chël da ofrí soluziuns sön mosöra y costruí na colaboraziun strënta cun nüsc cliënc.
Chisc valurs viunse
Flessibilité
I ti dun na gran importanza ala flessibilité tla produziun.
Tres nosta dimenjiun y nosta capazité da se adaté, sunse bugn da sodesfá i dejiders de nüsc cliënc y nia ma da prodüje mosöres standard.
Cualité y sodesfaziun dl cliënt
I mirun ala perfeziun y i se assigurun che nüsc cliënc ciafes produc che corespogn a sües pretejes.
Colaboradus
Nüsc colaboradus é nosc capital plü prezius. Nos i sostignun y promoiun y i ti dun importanza ala creaziun de n ambiënt de laur sigü y sann.
Sostignibilité
Nos viun la sostignibilité! Nosta ativité nes conzed da adoré y valorisé le 100% dla materia pröma preziosa lëgn, dal lignan scadré ala brëia ala siadöra.
Responsabilité ti confrunc dl ambiënt
I sun cosciënc de nosta responsabilité ti confrunc dl ambiënt y i se porvun da agí te na manira che le dagní sides poscibl.
Economia zircolara
L’economia zircolara se basëia sön le prinzip dl’utilisaziun completa, dla regeneraziun y dl reziclaje dles ressurses por smendrí le refodam. La realisaziun de chësc prinzip é nosc fin.