Lëgn cun cör
dal 1844 tl Südtirol
Rier Holz tl Südtirol
Siëia y produc de lëgn
da produc por laurs da zumpradú cina a confezionamënc
La fondaziun de nosta aziënda vá zoruch a dan da cater generaziuns. Nosta aziënda laora sö dantadöt lignan de lëgns da odlagn locai ti seturs dla siëia y di confezionamënc de lëgn.
Lignan local
Chëstes sorts de lëgn
vëgn elaborades da nos
Lersc (Larix decidua)
Le lëgn rich de larié é mesamënter dür, elastich y resistënt, saurí da sfëne y da lauré, al se restrënj püch y al é de dorada lungia sides tl süt sciöche ince t’ega. Al é le lëgn da odlagn europeich cun la dorada plü lungia.
Peció (Picea abies)
Le lëgn morjel é elastich, se assüia debota, se restrënj püch y é de dorada. Al é saurí da lauré, da taié y scorzé, da intorné, da sfëne y incolé.
Cier (Pinus cembra)
Le cier crësc tl raiun alpin dai 1600 m insö y al é n lëgn dër aprijé, nia inultima ince por so bun tof. Deache al é tan morjel é le cier particolarmënter adaté por la costruziun de aredamënc, por le modelism y por ziplé.
Pinch (Pinus silvestris)
La chersciüda é por le plü rodunta cun na taia plëna y zilindrica. Le pinch vëgn adoré sot forma de lignan toronn, sié y da furnier, implü vëgnel adoré por la produziun de materiai de lëgn y por la produziun de papier y zelulosa.